Општина Куманово информира дека од денеска, 18 мај, започнуваат градежни активности на две фреквентни улици во градот, поради што се очекуваат измени во сообраќајот и отежнато движење во одредени делови.
Според информациите од локалната самоуправа, на дел од улицата „Бајрам Шабани“, на потегот од булеварот „3-та МУБ“ до улицата „Пчински пат“, ќе се реализира проект за реконструкција на коловозната конструкција и тротоарите.
Истовремено, градежни работи ќе започнат и на дел од улицата „11 Октомври“, на потегот од улицата „Гоце Делчев“ до улицата „4-ти Јули“, каде ќе се врши реконструкција на водоводната мрежа.
Од Општина Куманово апелираат до граѓаните да бидат внимателни и трпеливи за време на изведбата на работите, како и да имаат разбирање поради можните застои и изменетиот режим на сообраќај.
Никола Ивановски