29.10.2017 11:40

Во вториот круг се избираат градоначалници за 35 општини


Во вториот круг од локалните избори што ќе се одржи денеска граѓаните ќе избираат градоначалници во 35 општини.

Од скопските општини ќе се гласа во Кисела Вода, Гази Баба, Бутел, Чаир, Шуто Оризари и Сарај.

Во Кисела Вода, Гази Баба и Бутел ќе се гласа меѓу кандидатите на СДСМ и на ВМРО-ДПМНЕ, во Чаир и во Сарај меѓу кандидатите на ДУИ и на БЕСА, а во Шуто Оризари меѓу кандидатот на СДСМ и кандидатот на Сојузот на Роми.

Од останатите општини втор круг ќе има во Штип, Тетово, Гостивар, Дебар, Струга, Виница, Демир Капија, Македонска Каменица, Македонски Брод, Кавадарци, Пробиштип, Градско, Јегуновце, Росоман, Старо Нагоричане, Чашка, Могила, Зрновци, Новаци, Брвеница, Чешиново-Облешево, Боговиње, Врапчиште, Долнени, Желино, Липково, Теарце, Студеничани и Карбинци.

Во првиот круг од локалните избори беа избрани градоначалник на Град Скопје и градоначалници во 45 општини.

Извор: МИА


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments