Времето денеска во Македонија ќе биде сончево со мала до умерена локална облачност, информираат од Управата за хидрометеоролошки работи.
Ќе дува слаб до умерен ветер од северен правец. Минималната температура ќе биде во интервал од 11 до 21, а максималната од 28 до 35 степени.
Во Куманово и околината денеска ќе имаме сончево до умерено облачно и потопло време. Ќе дува слаб ветер од северозападен правец. Температурите ќе бидат во интервал од 16 степени во утринските часови до максимални 30 во текот на денот.
Утре во кумановско ќе имаме сончево и топло време, додека кај температурините вредности споредено со денеска нема да има никакви промени. Дневниот максимум и утре се очекува да достигне до 30 степени целзиусови.
Недела носи уште потопло време. ќе биде сончево и многу топло со температури од минимални 18 степени во утринските часови до максимални 34 во текот на денот.
Почетокот на новата работна недела носи нови пеколни температури.
Никола Ивановски