Не стивнуваат реакциите по вчерашната авионска несреќа во која загинаа десет лица, меѓу кои и шефот на вагнерската група Евгениј Пригожин.
Многумина тврдат дека рускиот претседател Владимир Путин го наредил соборувањето на авионот, наведувајќи дека тоа е одмазда за бунтот што Пригожин и Вагнер го започнаа во јуни.
Сепак, Институтот за проучување на војната (ISW) вели дека активностите на Пригожин во Африка по договорот што беше направен по бунтот може да бидат една од причините.
Да потсетиме дека по бунтот на Вагнер, Путин рече дека таквата постапка е предавство и убод од грб, а исто така вети дека одговорните за вооружениот бунт што ја втурна неговата земја во хаос ќе бидат „изведени пред лицето на правдата“.
Сега повторно во фокусот на јавноста се најде снимка од интервјуто на Путин од пред пет години. Во 2018 година, новинар го праша Путин дали може да прости.
„Можам, но не се“, одговори рускиот лидер.
„Што не можеш да простиш?“, праша новинарот.
„Предавство“, кратко одговори Путин.
Сите информации поврзани со најновите случувања со војната во Украина можете да ги прочитате ТУКА.