Главниот штаб на украинската армија утринава соопшти дека одбил повеќе од 40 руски напади во последните 24 часа.
Според соопштението, Русија во тој период истрелала 53 ракети и 5 проектили и извршила 18 воздушни напади низ Украина.
Москва продолжува да ги фокусира нападите на Лиман, Бахмут, Авдијевка и Маринка – четири града во источниот регион Доњецк, тврди украинската војска.
„Во текот на денот, украинските воздухопловни сили извршија шест воздушни напади врз концентрации на руски сили и воена опрема“, се наведува во извештајот, додавајќи дека украинските одбранбени сили собориле три руски беспилотни летала и три наведувани бомби во последните 24 часа.
Сите информации поврзани со најновите случувања со војната во Украина можете да ги прочитате ТУКА.