Преку ноќта на северозапад ќе има повремен дожд на пониските места, кој понекаде на повисоките места ќе преминува во снег, а на планите на северот ќе има повремен снег, информираат од Управата за хидрометеоролошки работи.
Утре и во среда ќе преовладува променливо облачно време, во западните делови и особено на северозападот со повремени врнежи од дожд, а планините и на некои повисоки места со повремен снег.
Преку ноќта кон среда и во среда во северните делови на планините ќе се формира дополнителна снежна покривка, а мала снежна покривка ќе се формира и понекаде на повисоките места.
Од овој влажен бран врнежите ќе бидат пообилни на западот (над 25 л/24ч) особено во ноќта кон среда и во среда претпладне кога во републиката ќе започне да дува и повремено силен северозападен ветер (над 65 км/час).
Потоа следува период на стабилно и се потопло време.
Никола Ивановски