Ученикот кој пукал во соученици во средно училиште во Јужна Калифорнија, убил девојче од 16 години и момче од 14 години, ранил тројца други и се обидел да се самоубие пукајќи си во главата, соопштија властите, додавајќи дека тој е во тешка состојба.
Окружниот шериф Алекс Виланеева рече дека шест лица биле застрелани, меѓу кои и осомничениот, кој има 16 години.
Не се објавени детали за инцидентот, како и за мотивот или името на осомничениот, на кој денес му е роденден.
„Осомничениот е уапсен и се лекува во локална болница“, напиша шерифот на округот Лос Анџелес на Твитер.
Со една мртва женска личност, двајца мажи се во критична состојба додека едниот е стабилен, јави болницата Хенри Мајо hухал.
Оружје откриено на местото на настанот
„Засега веруваме дека има само еден напаѓач, но активно ги истражуваме и ги следиме сите траги“, соопштија од Кабинетот на шерифот на Санта Кларита.
Полицијата го опиша напаѓачот како Азијат, ученик од средното училиште „Саугус“ во Санта Кларита, 80 милји северно од Лос Анџелес.
Оружјето е откриено на местото на настанот, изјавил полицаец за телевизијата NBC.
Повеќе од 2.300 ученици го посетуваат училиште составено од повеќе згради.
Претходните извештаи беа дека во средно училиште во Санта Кларита, Калифорнија, се случоло пукање на кое одговорила полицијата и дека ситуацијата не се смирила, пренесува Анадолија.
Најнова во низата масовни пукања
„Извештаите велат дека имаме хоспитализирани околу пет жртви. Родители, слушајте: нашите луѓе се насекаде на терен и ги штитат вашите деца“, соопшти канцеларијата на шерифот на Твитер.
Се тврди дека осомничен маж со азиско потекло во црна облека последен пат е виден во средното училиште Саугус, северно од Лос Анџелес.
Средното училиште Саугус и сите други училишта во училишниот округ Вилијам С. Харт се затворени и полицијата го испитува местото на злосторството.
Тоа е најновото во низата масовни пукања во САД кои ја интензивираа јавната расправа за контролата на оружјето и уставното право на граѓаните да поседуваат и носат огнено оружје.