Турскат аполиција запленила ретка нуклеарна супстанција калифорниум 252 и привела четири лица во Анкара, пренесуваат турските медиуми.
Материјалот требало да биде продаден за околу 70 милиони долари, а идентитетот на купувачот засега е непознат, пренесува телевизијата NTV.
Супстанцијата е откриена во возило на еден од приведените.
Одземени се 1,4 килограми радиоактивен материјал калифорниум, но засега не е познато каде е произведена.
Како се наведува од властите, истрагата е во тек.
Калифорниум, инаку е синтетички радиоактивен елемент кој се произведува во лаборатории и често се користи за работа на нуклеарните реактори.