Младенците Џони Пачеко и Хејди Пако се венчаа на врвот Илиманија, планина во западна Боливија, пишува Метро.
На парот и на сите учесници во венчавката им биле потребни три дена да се искачат на врвот на планината.
Џони и Хејди, кои се од боливискиот град Кочабамба, ги дале своите завети на 6.439 метри надморска височина.
„Тие се и спортисти и љубители на природата, како и љубители на планините. Затоа одлучија да се венчаат на врвот на оваа планина”, вели Агустин Гонзалес, планинар и кум на младоженецот.
Неколку учесници носеа венчаница, украси и храна за прославата, со што им беше тешко да стигнат до врвот, бидејќи носеа дополнителни 20 килограми тежина.
Двојката имале многу среќа со времето, бидејќи цело време било сончево и со пријатна температура, а видеото од венчавката беше објавено на Јутјуб.