13-годишно девојче од Ајдахо починало од тешка алергиска реакција откако случајно изела десерт во кој имал алергени, соопшти нејзиното семејство.
На Рис Лангер и била дијагностицирана алергија на ореви како мало девојче и внимавала што консумира.
„Таа знаеше што не треба да јаде и во каква храна се кријат состојки на кои реагираше“, рече нејзиното семејство на веб-страницата ReeseStrong.love, која ја покренале по нејзината смрт за да ја зголемат свеста кај луѓето за алергии и да соберат средства за епиолини, кои можат да спасат живот за неколку секунди.
За жал, на 16 мај, Рис јадела десерт на еден навивачки настан за кој сметала дека е безбеден.
Таа починала четири дена подоцна.
„Таа уживаше во кампување, пливање, скијање и волонтирање со нејзината мајка. Ќе ја паметиме по нејзиниот весел дух, чисто срце и заразна насмевка”, посочуваат од семејството.
Тие исто така започнаа crowdfunding кампања за собирање средства за набавка на епиолви.
Нивната цел е да достигнат 25.000 долари, а тие во моментов се на 14.000 долари.
Патем, пакувањето што содржи два епиола во САД чини 669,82 долари. Тоа е уред за автоматско вбризгување на адреналин за време на тешка алергиска реакција, односно анафилакса.