Во кинескиот град Гуангжу, граѓаните се судрија со полицијата во бели заштитни костуми, покажуваат снимките објавени на социјалните мрежи.
Според Ројтерс, судирите во јужниот град означуваат ескалација на протестите одржани во трговскиот центар на Шангај, главниот град Пекинг и други градови во текот на викендот, во најголемиот бран на граѓанска непослушност во Кина откако претседателот Си Џинпинг ја презеде власта.
Расте незадоволството кај кинеските граѓани поради острите мерки против корона вирусот, кои се одразуваат и на кинеската економија.
Во едно видео објавено на Твитер, десетици полицајци во целосно бела опрема за пандемијата, држејќи штитови над главите, напредуваа во формација над нешто што изгледаше како срушени бариери додека предметите летаа кон нив, соопшти агенцијата.
Подоцна била забележана полиција како води низа луѓе со лисици на рацете на непозната локација, пренесува британската агенција.
广州海珠区后滘 约29日晚上11点左右 发生群体事件
目前具体原因不详。 pic.twitter.com/A9m0gKoVge— 李老师不是你老师 (@whyyoutouzhele) November 29, 2022
Протести поради мерките
Друго видео покажува како луѓе фрлаат предмети кон полицијата, додека на третото се гледа како солзавец паѓа среде мала толпа луѓе на тесната улица, а потоа луѓето трчаат да избегаат од испарувањата.
Ројтерс соопшти дека потврдил дека снимката е направена во Гуангжу, местото на немирите поради мерките за коронавирус пред две недели, но не може да потврди кога е направена или точниот редослед на настаните и што ги предизвикало судирите.
Во објавите на социјалните мрежи се наведува дека судирите се случиле во вторникот вечерта и дека настанале поради мерките против корона вирусот.
Владата на Гуангжу, градот најтешко погоден во последниот бран на инфекции, не одговори веднаш на барањето за коментар.
Австралискиот институт за стратешка политика (ASPI) процени дека се одржале 43 протести во 22 кинески града.