Српски државјанин бил приведен на Граничниот премин Табановце, поради илегален влез во Македонија на ГП Блаце.
– На 04.08.2020 во 23.30 часот во Полициска станица за граничен премин Табановце, при вршење на пасошка контрола на излез од Република Северна Македонија, М.Д.(26) од Р.Србија не приложил изјава за влез со ПЦР тест или транзит и при проверка било констатирано дека на 02.08.2020 на Граничниот премин Блаце му бил одбиен влез за непоседување на ПЦР тест, информираат од Министерството за внатрешни работи.
Како што појаснуваат од полицијата, потоа било утврдено дека М.Д. остварил илегален влез во Република Северна Македонија, што и го потврдил во разговорот.
М.Д. бил приведен и предаден на полициски службеници од Куманово за понатамошна постапка.
Никола Ивановски