Мотивациониот говорник Карлос Витакер, кој остана на аеродромот Хартсвил Џексон во Атланта околу еден час на пат кон Нешвил, собра 61.000 долари за талентираниот пијанист.
Тони Валентин свири во предворјето на аеродромот во Атланта, елегантно облечен, со капа среде хаотична толпа и зафатени патници. Карлос Витакер го гледаше пијанистот, го зеде телефонот и започна да снима, директно за Инстаграм.
Инаку, Карлос има околу 170.000 следбеници на таа социјална мрежа. На неговото пијано има плоча за пари, но таа обично е празна.
Потоа го праша дали сака да учествува во проектот „Човечка надеж“.
По неколку минути, придружниците на Карлос Витакер почнаа да испраќаат пари и за половина час беа донирани 10.000 долари, а по два дена, сумата се зголеми на 61.000 долари.
View this post on Instagram
Инстаграм беше преплавен со пораки за поддршка на Валентин.
„Овој човек, Карлос Витакер, влета во мојот живот како цунами. Имав нормален ден на работа, а сега овој човек и неговите следбеници ме благословија “, истакна 66-годишниот пијанист.
Тој истакна дека пред да пристигне на аеродромот, бил на дијализа, поради бубрезите.
„Тој е толку среќен. Тој има насмевка на лицето и голема енергија “, рече Карлос Витакер.
Пијанистот Тони Валентин беше непознат, се додека Карлос не го сподели видеото со своите следбеници на Инстаграм.
Ова не е прв пат следбениците на Карлос Витакер да им помагаат на другите.
Како стана пијанист на аеродром?
Валентин свири пијано од својата петта година, на 20-годишна возраст ја имаше својата прва свирка во ноќен клуб. Го обиколи светот и свиреше на крстаречки бродови како пијанист. Подоцна се сместил во ресторан. Потоа му пришол еден човек со понуда да игра на отворањето на аеродромот во Атланта.
„Се обидов еден час, но останав три“, рече тој. „Беше убаво, 13 години подоцна сеуште сум тука. Публиката е добро расположена на аеродромот “, рече Тони Валентин.
Валентин има кутија во неговата спална соба полна со пораки од луѓе кои му се заблагодаруваат за неговите настапи на аеродромот. Во зависност од бројот на луѓе на аеродромот, репертоарот се менува: од хитови до модерни хитови.