Вооружен со детектор за метал, Дејвид Хол тргнал да истражува низ регионалниот парк Мериборо во близина на Мелбурн, Австралија. Во жолтата глина пронашол тежок црвеникав камен. Бил убеден дека нашол грутка злато.
Необичниот камен што го открил во 2015 година во паркот Мериборо, Дејвид Хол го однел дома и се обидел да го пресече убеден дека во него има грутка злато – со оглед на тоа што паркот Мериборо се наоѓа во област каде што се случувала австралиската златна треска во 19 век.
За да го разбие своето откритие, Хол користел камена пила, брусалка, дупчалка, па дури и се обидел да ја раствори со киселина. Сепак, ниту чеканот не можел да го скрши.
Откако овие силни неуспешни обиди на крајот го заинтригирале, Хол решил да го однесе каменот во Музејот во Мелбурн.
Така, по неколку години дознал дека не нашол златна грутка, туку многу редок метеорит.
Научен труд објавен од истражувачи од Музејот во Мелбурн опишува дека се работи за метеорит стар 4,6 милијарди години, кој го нарекле Мериборо, по градот во кој бил пронајден.
Станува збор за камен тежок 17 килограми кој успеале да го исечат со дијамантска пила. Откриле дека содржи висок процент на железо, што го прави обичен Ha5 хондрит.
Внатре во каменот се видливи ситни кристализирани честички на минерали наречени хондрили.
„Метеоритите се најевтиниот начин за нас да ја истражуваме вселената. Тие нè враќаат во минатото и ни даваат патокази за возраста, начинот на формирање и хемијата на нашиот Сончев систем, вклучувајќи ја и Земјата“, објаснува Дермот Хенр, геолог во Музејот во Мелбурн.
„Некои метеорити ни даваат увид во длабоката внатрешност на нашата планета. Во некои метеорити има „ѕвездена прашина“ постара од нашиот Сончев систем, што ни покажува како ѕвездите се формираат и еволуираат за да создадат елементи од периодниот систем“, додава геологот.
„Другите ретки метеорити содржат органски молекули како што се аминокиселините – градежните блокови на животот“, рече Хенри.
Иако истражувачите сè уште не знаат од каде потекнува метеоритот и колку долго би можел да биде на Земјата, тие имаат одредени претпоставки.
Нашиот сончев систем порано бил куп прашина и хондрит што вриел. На крајот гравитацијата повлекла многу од овој материјал кон планетите, но остатоците главно завршиле во огромен астероиден појас.
„Овој метеорит најверојатно излегол од астероидниот појас меѓу Марс и Јупитер, бил исфрлен од некои астероиди кои се судриле, а потоа еден ден паднал во Земјата“, вели геологот.
Датирањето со јаглерод сугерира дека овој метеорит е на Земјата меѓу сто и илјада години.
Истражувачите тврдат дека метеоритот Мериборо е многу поредок од златото. Тој е еден од само 17-те метеорити регистрирани во австралиската држава Викторија и е втора по големина хондритска маса, по огромен примерок од 55 килограми, идентификуван во 2003 година.
Бетонскиот примерок не е ни првиот метеорит на кој му биле потребни неколку години да стигне до музејот. Во неверојатната приказна која Science Alert ја објави во 2018 година, на вселенската карпа и требале 80 години, двајца сопственици и служела како карпа за да ја подглават вратата, додека конечно не се открило што всушност е.
Затоа погрижете се да немате екстремно тешки и тешко кршливи карпи во вашиот двор – можеби седите на „рудник за злато“.
Студијата за метеоритот Мериборо беше објавена во Зборникот на Кралското друштво на Викторија.