Швајцарците тесно гласаа за продолжување на старосната граница за пензионирање на жените на 65 години, гласање обележано со длабоки поделби меѓу кантоните кои зборуваат германски јазик, настроени кон реформи, и другите кантони во земјата.
За реформата гласале 50,6 отсто од гласачите, покажуваат денеска објавените конечни резултати.
На реформата на пензискиот систем во Швајцарија и претходеа два неуспешни обиди во 2004 и 2017 година.
Денешното гласање за старосната граница од 65 години за жените се очекува да го „стабилизира“ швајцарскиот пензиски систем, кој е под притисок поради зголемениот животен век и фактот што таканаречената бејби бум генерација се приближува кон пензионирање.
Најконтроверзниот дел од реформата имплицира дека жените, како и мажите, работат до 65 години за целосна пензија, што е една година подолго отколку што предвидува сегашниот пензиски систем.
Членовите на Социјалистичката партија оценија дека гласањето за подоцнежно пензионирање на жените „не е само чекор назад во однос на еднаквоста, туку шлаканица за сите жени“ и најавија протести за утре во Берн каде ќе го осудат исходот. на референдумот.