Во еднодневна посета на Република Северна Македонија денеска ќе пристигне претседателот на Советот на Европа, Шарл Мишел.
Во рамки на посетата високиот претставник од Советот на Европа ќе има тет-а-тет средба со претседателот на Владата на Република Северна Македонија Димитар Ковачевски. Потоа е предвидено да присуствува на владината седница, по што во 13:15 часот премиерот Ковачевски и претседателот на Советот на Европа Мишел, ќе одржат заедничка прес-конференција.
Претставниците на медиумите ќе имаат можност да ја проследат прес-конференцијата за што е потребно да пристигнат најдоцна во 13:00 часот на влезот пред Медија центарот на Владата. На прес-конференцијата ќе има можност за поставување на новинарски прашања 2+2 односно две прашања за премиерот Ковачевски и две прашања за претседателот на Советот на Европа Шарл Мишел.