Последните три години, еден човек во индиската држава Мадја Прадеш живее секојдневен кошмар сличен на „Птиците на Хичкок“.
Секој пат кога ќе ја напушти куќата, го напаѓа јато на врани, и тие се насочени само кон него.
Шива Кеват, работник од населбата Сумел, вели дека неговите проблеми започнале пред три години поради недоразбирање. Еден ден додека одел по улицата забележал малечка врана испреплетена во метална жица и покрај сите напори да и помогне, птицата му починала во рацете.
Некои од враните веројатно биле сведоци на местото на настанот и претпоставувале дека тој јаубил, затоа што од тогаш го напаѓаат. Понекогаш доаѓаат во групи, , но Кеват секогаш носи стап со себе за да може да се одбрани.
– Таа почина во рацете. Само да можев да им го објаснам … само сакав да помогнам “, рекол Кеват за „Times of India“.
Кеват исто така рекол дека не ги сфаќал сериозно нападите, додека не сфатил дека тие само го напаѓаат него, а никој друг нема проблем со нив. Како што се раширила приказната за враните, локалното население почнало да се собира околу неговата куќа секој ден само за да види дали ќе биде нападнат. Некои сметаат дека ова е смешно, додека други ги опишуваат нападите како „ненадејни и застрашувачки“.
Професорот Ашок Кумар Мунџал, кој студира однесување на птици на универзитетот „Баркатула“ во Бопал, вели дека враните имаат остра меморија и имаат тенденција да се сеќаваат на сите оние што ги вознемириле.
Враните многу добро се сеќаваат на индивидуалните лица, поради што само Кеват е целта. Покрај тоа, интелигентните птици меѓусебно споделуваат информации за луѓето за кои сметаат дека се опасни, па злобните луѓе се на мета на сите врани во областа, а не само на една.