Се појави нов вид на коронавирус, кој е надвор од контрола

Сподели со своите пријатели

Британскиот министер за здравство, Мет Хенкок, денеска изјави дека новиот вид на коронавирус е „надвор од контрола“, со што го оправда затворањето на Лондон и на дел од јужна Англија, што може да потрае се додека не се вакцинира населението.

Loading...

-За жал, новиот вид е надвор од контрола. Треба повторно да ја воспоставиме контролата, а тоа е можно само со ограничување на социјалните контакти, изјави Мет Хенкок за „Скај Њуз“.

„Ќе биде многу тешко вирусот да се држи под контрола се додека населението не се вакцинира“, додаде тој.

Конзервативната влада на Борис Џонсон вчера прогласи карантин за Лондон и за југоисточниот и источниот дел на Англија, принудувајќи повеќе од 16 милиони жители да бидат дома и да се откажат од дружења за Божиќ.

 

 

Затворени се сите продавници што не продаваат храна и основни продукти и забрането е патувањето надвор од овие зони за кои е прогласен најголем степен на узбуна, било во другите делови на Велика Британија или во странство. Баровите, рестораните и музеите се затворени од средата.

Loading...

-Ова е голем предизвик се додека населението не се вакцинира. Во следните неколку месеци ние ќе се бориме против овој предизвик, предупреди Ханкок.

Велика Британија ја извести Светската здравствена организација (СЗО) дека новиот вид на коронавирус се шири побрзо, дури и „до 70 проценти“, рече премиерот Борис Џонсон.

Низ светот претходно веќе се откриени и пријавени мутации на вирусот САРС-КоВ-2.

Владиниот научен советник, Патрик Валенс, вчера изјави дека новиот вид на коронавирус, освен што се шири побрзо, станува и „доминантна“ форма што доведе до „нагло зголемување“ на хоспитализациите во декември.

 

Холандија забрани летови од Велика Британија поради новата варијанта на коронавирусот

Холандија забрани патнички летови од Велика Британија од денеска до 1 јануари, откако во таа земја е откриен нова варијанта на коронавирус, соопшти утрово холандската Влада.

 

Loading...

 

Потсетувајќи дека на почетокот на декември, истата нова варијанта на вирусот беше откриена во Холандија како и во Велика Британија, владата издаде препорака на граѓаните да не патуваат, освен ако не е апсолутно потребно.

Одлуката на холандската Влада уследи еден ден откако британскиот премиер Борис Џонсон и водечките експерти објавија дека новиот сој на коронавирус е позаразен за 70 отсто од вообичаениот и објавија дека ќе се воведе повисоко ниво на антиепидемиски ограничувања во Лондон и југоистокот на Англија.

 

И Франција ќе забрани летови од Велика Британија

Франција размислува да ги забрани сите летови од Велика Британија, откако на островот се појави нов вид на коронавирус, јави телевизијата БФМ.

 

 

Loading...

Официјалната одлука можно е да биде објавена во текот на денот, додаде БФМ, без да наведува извори, додека официјални претставници на француското Министерство за транспорт не беа достапни за коментар.

Забрана за летови од Велика Британија во текот на денот веќе воведоа Холандија и Белгија, кои одлучија да го прекинат и железничкиот сообраќај.


Leave a Reply

Your email address will not be published. Required fields are marked *