Одлуката на Русија да го суспендира учеството во Новиот договор СТАРТ нема да ги принуди западните земји да ја одбијат поддршката за Украина, но дополнително ја нагласува потребата да му се помогне на Киев, изјави помошникот секретар на САД во Бирото за контрола на оружјето, верификација и усогласеност на Стејт Депарментот Мелори Стјуарт.
Таа посочи дека одлуката на Москва и нејзините континуирани нуклеарни закани, всушност, само ќе ја зајакнат позицијата за тоа колку е важно САД и светската заедница да застанат зад Украина, пренесе ТАСС.
Стјуарт учествуваше на дискусија во Институтот Вашингтон Брукингс во врска со одлуката на Москва да го прекине учеството во Новиот СТАРТ.
Рускиот претседател Владимир Путин рече, во обраќањето до Федералното собрание на 21 февруари, дека Русија го суспендира учеството во Новиот договор СТАРТ, кој ги обврзува Русија и САД редовно да комуницираат во врска со статусот на нивните нуклеарни арсенали, за да дозволат редовни инспекции од тие арсенали, и да нема повеќе од максимален договорен број на оперативни и неоперативни боеви глави.
Сите информации поврзани со најновите случувања со војната во Украина можете да ги прочитате ТУКА.