Турција е многу важна безбедносна точка за цела Европа и не е „трет актер“, туку стратешки партнер на Албанија, рече во понеделник албанскиот премиер Еди Рама по разговорот со германскиот канцелар Олаф Шолц во Берлин, пренесе Anadolu Agency (AA ).
Запрашан за влијанието на земјите како Русија, Кина, Турција или арапските земји врз Западен Балкан во последните две години, Рама рече дека не сите актери или трети земји имаат исто влијание.
Истакнувајќи дека влијанието на Русија во регионот стана проблем, особено во денешните околности, Рама посочи дека тоа покажува дека Европската унија (ЕУ) треба да ги зближи сите земји од Западен Балкан.
Рама, исто така, истакна дека Албанија долги години е во пријателски односи со земјите од Заливот.
Тој изрази надеж дека Германија ќе го направи својот дел за ЕУ да ги започне преговорите за пристап со Албанија.
Путин оди на своето прво патување од почетокот на војната: Со Лукашенко
Тој, исто така, истакна дека очекува Германија да направи напори за либерализација на визниот режим за косовските граѓани.