Во текот на изминатата ноќ при контрола на угостителски објекти во Скопје била пронајдена дрога, а притоа биле приведени неколку лица, меѓу кои и едно од Куманово.
– На 18/19.03.2022 полициски службеници од Единицата за недозволена трговија при СВР Скопје и Единицата за интервентна полиција при СВР Скопје постапувајќи по акциски план за спречување на кривични дела по чл.215 и 216 од КЗ на РСМ на подрачјето на град Скопје извршија контрола во угостителски објекти и бил извршен преглед над дваесетина лица по што лишени од слобода биле: А.С.(19), Ф.А.(25), Н.С.(31), А.А.(24) сите од Скопје, А.М.(26) од Битола, Д.Г.(27) од Куманово и М.М.(22) од Гостивар како и еден малолетник од Скопје поради тоа што кај нив биле пронајдени кокаин, амфетамин, марихуана и бела грутчеста материја, информираат од Министерството за внатрешни работи.
По целосното документирање на случајот ќе следат соодветни поднесоци.
– Засилените контроли продолуваат и во наредниот период, велат од МВР.
Никола Ивановски