Павел: Во догледна иднина Украина нема да може целосно да ја избрка Русија од нејзините територии

Сподели со своите пријатели

Претседателот на Чешката Република Петр Павел предупреди дека Украина, како што рече, барем во догледно време, нема да може целосно да ја избрка Русија од нејзините суверени територии и дека треба да му се помогне на Киев да биде во најдобра можна позиција пред можните мировни преговори.

Loading...

„Треба да гледаме реално, не премногу оптимистички преку розови очила, како што често се случувало досега. Русија секако не е едноставен или слаб противник. Треба да се стремиме Украина да го постигне најдобриот можен резултат и, доколку можно, да ја задржиме поддршката на демократскиот свет“, рече Павел синоќа во разговор со жителите на Штибр на западот на Чешка.

ПРОЧИТАЈТЕ И:  Испраќањето сили во Украина е глупост што води до Трета светска војна, вели француската опозиција

Павел, исто така, рече дека очекува притисокот на Москва на фронтот да се интензивира како што се приближуваат пролетните претседателски избори во Русија, бидејќи Владимир Путин исто така треба да покаже одредена решителност и резултати, иако никој не може да му се заканува на изборите, пишуваат чешките медиуми.

„Русија би нашла поголем успех во верувањето дека постапила правилно и дека сè може да се постигне со сила. Затоа е важно да ѝ се помогне на Украина да го постигне најдобриот можен исход. И кога ситуацијата ќе достигне точка каде што ниту една страна не може да напредува, тогаш може да изврши притисок да дојде до некакви преговори. Но, засега ниту една од страните не мисли дека е во таква ситуација“, рече чешкиот претседател.

ПРОЧИТАЈТЕ И:  Полските земјоделци веќе три недели ги блокираат граничните премини со Украина

Павел ја означи како „врвот на ароганцијата“ изјавата на рускиот министер за надворешни работи Сергеј Лавров дека е можно да се преговара со Киев под услов сегашното украинско раководство да не е од другата страна на масата.

„Земјата која го нападна својот суверен сосед, две години ја окупираше нејзината територија, уништи најголем дел од инфраструктурата, уби десетици илјади нејзини жители, вели дека е подготвена да преговара доколку се ослободат од нивното раководство, легитимно избрано на демократски избори. Ова е врв на ароганцијата“, рече чешкиот претседател Павел.

Сите информации поврзани со најновите случувања со војната во Украина можете да ги прочитате ТУКА.