Никој во Европа не верува во победата на Украина, а за постигнување мир во таа земја може да придонесат политички промени по изборите за Европскиот парламент и претседателските избори во САД, изјави премиерот на Унгарија, Виктор Орбан, на состанокот на фракцијата на владејачката партија „ФИДЕС“.
Кога станува збор за прогнозите за меѓународната ситуација во блиска иднина, тој изјави дека конфликтот во Украина нема да заврши, а товарот на Европа ќе се зголеми бидејќи финансиската поддршка за Украина во Америка ќе се намали поради споровите за претседателските избори.
„Се плаќа огромна политичка цена за поддршката на Украинците. Земјоделците се бунтуваат ширум Европа и никој не верува во победата на Украина“, рече Орбан во обраќањето пред пратениците на езерото Балатон, каде се одржа дводневната средба на унгарскиот се одржува парламентот.
Според информациите на весникот, Орбан подвлече дека се неопходни промени во раководството на Европската унија и посочи дека тие можат да се случат по изборите во Европскиот парламент, кои се планирани за јуни.
Унгарскиот премиер истакна дека е можна победа на изборите за Европскиот парламент.
Притоа, тој не го имал предвид само зајакнувањето на позициите на партијата ФИДЕС, туку и на другите десничарски партии.
Тој додаде дека не само во Брисел, туку и во Вашингтон оваа година може да има промени и дека тоа може да донесе мир во Европа.
Орбан не крие дека сака победа на Доналд Трамп на претседателските избори во Соединетите Американски Држави и се надева дека ќе помогне да се стави крај на конфликтот во Украина.
„За девет месеци ќе бидеме посилни отколку сега“, рече Орбан, предвидувајќи ја победата на Трамп, кого го смета за свој политички сојузник и со кого има воспоставено добри односи.
Орбан претходно неколку пати изјави дека смета дека во преговорите за Украина не треба да учествуваат само Украина и Русија, туку и Соединетите Американски Држави, кои му даваат најголема финансиска и воена поддршка на Киев.