Со промоција на филмот „Ајде да снимаме филм“, денеска Општинското основно училиште „Христијан Тодоровски Карпош“ одвележа 72 години од загинувањето на својот патрон, а воедно и 57 години успешно работење.
Директорката Лидија Костиќ истакна дека е задоволна од работата на училиштето и постигнатите резултати на самите ученици и наставници.
Презадоволна сум од критериумот, од работата на наставниците. За материјално-техничка опременост, некои работи што зависат до нас максимално вложуваме напори, меѓутоа некои капитални инвестиции не зависат од нив. Едно по едно работиме, меѓутоа не оди така лесно и брзо“- изјави Костиќ.
Loading...
На свеченоста беше прикажан и краткиот филм насловен „Ајде да снимаме филм“, кој учениците го подготвија со својата наставничка по македонски јазик Весна Алексова, а со цел на децата да им биде интересно и да можат да научат нешто повеќе за медиумската култура.
Да видат како се снима филм, да ги ставиме во улога на актери, режисери, сценаристи, сниматели, а во исто време да го поврземе нивното секојдневно живеење со богатото наше традиционално, флоклорно минато. Снимавме на повеќе локации, се надевам дека филмот ќе ви се допадне“- изјави Алексова.
Инаку настава во оваа основно училиште посетуваат вкупно 1.250 ученици, а истото е основано во далечната 1959 година.