Најмалку 141 лице загинаа во Индија откако мост стар 100 години се урна и падна во реката Мачха.
Беа објавени и снимки од надзорните камери кои го покажуваат застрашувачкиот момент кога мостот се урна, при што стотици луѓе загинаа.
Голем број спасувачки служби сѐ уште се на терен и ја испитуваат областа за потенцијално да пронајдат уште десетици луѓе кои исчезнаа при уривањето на мостот.
Властите тврдат дека мостот може да издржи тежина од 120-125 луѓе, но очевидци тврдат дека во моментот на пукањето на мостот имало меѓу 450-500 луѓе.
Надзорните снимки покажаа како непосредно пред уривањето, поголема група луѓе се обиделе да го „занишаат“ висечкиот мост, поради што најверојатно тој пукнал.
– Само што требаше да стапнам на мостот кога слушнав силен звук и видов како мостот се урива. Веднаш истрчавме на безбедно, додека многумина паднаа во водата или останаа заробени – рече сведокот.
Друг сведок изјави дека мостот бил преполн.
– Каблите пукнаа и мостот се сруши за неколку секунди. Луѓето паднаа еден врз друг и во реката – рече тој.
Инаку, овој мост беше реновиран шест месеци порано, а беше отворен само четири дена пред трагичната несреќа, за време на хинду фестивалот на светлата Дивали, кој се славеше викендов.
Horrifying. CCTV images capture the #MorbiBridgeCollapse. Detailed visual timeline report on @IndiaToday. pic.twitter.com/JUHrgxmgbK
— Shiv Aroor (@ShivAroor) October 31, 2022