Времето денеска низ Македонија претпладне променливо облачно време со сончеви, а во попладневните часови ќе има услови за локална појава на краткотраен пороен дожд, грмежи и засилен ветер.
Ќе дува засилен до силен ветер од западен правец, кој повремено во западните делови ќе достигнува брзина од над 60 km/h.
Минималната температура ќе биде во интервал од 8 до 13, а максималната ќе достигне од 22 до 28 степени, информираат од Управата за хидрометеоролошки работи.
Денеска во Куманово ќе имаме променливо време, со услови и за сонце, но и за дожд и грмежи.
Ќе дува слаб до умерено засилен ветер од јужен и југозападен правец.
Утринската температура ќе се движи околу 11 степени, а максималната дневна ќе достигне 26 степени целзиусови.
Од страна на УХМР за регионот на Куманово за денеска е издадено жолто метео предупредување за засилен ветер.
И утре низ кумановско ќе имаме променливо време со комбинација од сонце и дожд и грмотевици. Ќе дува слаб до умерено засилен ветер од западен и југозападен правец. Температурата во утринските часови ќе се движи околу шестиот степен, а дневниот максимум ќе достигне 24 степени целзиусови.
Среда носи променливо облачно време, со нешто повеќе услови за сонце. Ќе дува слаб до умерен ветер од западен правец, а температурата ќе се движи во интервал од минимални 6 до максимални 17 степени целзиусови.
Во четврток ќе имаме исто така променливо облачно време со слаб до умерен ветер од северен правец. Утринската температура ќе се движи околу 7 степени, а максималната дневна ќе се искачи до 21 степен целзиусов.
Претежно облачно време со дожд и грмотевици ќе имаме во петок. Ќе дува слаб до умерен ветер од западен и југозападен правец. Температурата во утринските часови ќе се движи околу 11 степени, а дневниот максимум ќе се искачи до 21 степен целзиусов.
Во сабота ќе имаме претежно сончево време со мала облачност. Ќе дува слаб до умерен ветер од јужен и југоисточен правец, а температурата ќе се движи од минимални 10 до максимални 22 степени целзиусови. Ноќта кон недела ќе има врнежи од дожд.
Недела носи облачно време со врнежи од дожд. Ќе дува слаб до умерен ветер од западен правец. Утринската температура ќе се движи околу 9 степени, а максимумот ќе достигне 16 степени целзиусови.
Слично време, со нешто повеќе сонце ќе имаме и во текот на следната работна недела.
Никола Ивановски