Руските подморници претставуваат закана за Западот, особено за подводните комуникациски кабли, изјави пензионираниот адмирал на американската морнарица и поранешен командант на НАТО Џејмс Ставридис, пишува „Блумберг“.
„Руските подморници веројатно имаат способност да се спуштаат до подводни кабли кои се поставени на големи длабочини и може да ја нарушат нивната работа“, пишува Ставридис во написот со наслов „Најстрашната нова закана за Русија е под вода, а не во вселената“.
Адмиралот исто така смета дека оние подводни комуникации, преку кои секојдневно минуваат бројни финансиски трансакции, не се доволно заштитени.
Според неговите зборови, тие се „Ахилова пета“.
Потсетуваме дека САД претходно предупредуваа за „руската закана“ во вселената.
Како што објасни Белата куќа, „заканата за националната безбедност“ за која беше предупреден Конгресот се однесува на „антисателитско оружје“, наводно, произведено од Русија.
Затоа американскиот претседател Џозеф Бајден и нареди на администрацијата да стапи во директен контакт со Москва.
Рускиот претседател Владимир Путин изјави дека Русија отсекогаш била категорично против распоредувањето нуклеарно оружје во вселената.
Тој побара да се почитуваат сите постоечки договори во таа област.