Над 32 илјади казни напишале полициските службеници наподрачјето на Секторот за внатрешни работи Куманово кое ги опфаќа Куманово заедно со општините од Североистокот.
– Од почетокот на воведувањето на мерката за задолжително носење лична заштита на лицето на подрачјето на СВР Куманово констатирани се вкупно 32.184 прекршоци, велат од Министерството за внатрешни работи.
Само во текот на изминатото деноноќие според статистиката на МВР за периодот (13.06/14.06.2021), по однос на Уредбата за задолжително носење заштита на лицето, евидентирано е дека на ниво на Секторот за внатрешни работи Куманово 9 лица не ја почитувалe информираат од кумановската полиција.
Од издадените прекршочни налози во изминтото деноноќие во Куманово има 3, во Крива Паланка 2 и во Кратово 4.
За истите, појаснуваат од Секторот за внатрешни работи Куманово, ќе следуваат соодветни мерки.
Од МВР велат дека иако е укината забраната за носење маска на отворено, нејзината употреба е задолжителна во возилата и во затворени простории и поради тоа сѐ уште се казнуваат оние што не го почитуваат оваа правило.
Во текот на изминатата ноќ не се регистрирани лица кои не ја почитувале забраната за движење на подрачјето на СВР Куманово.
Никола Ивановски