Во Сингапур, тешко е да се најде личност што не слушнала за Лилит Сиоу, 13-годишното девојче кое стана тату мајстор.
Таа првпат се појави во медиумите во 2019 година, кога учествуваше на изложбата Картел на културата и покажа мирни раце и способност за работа под притисок.
Нејзиниот татко е познатиот сингапурски мајстор за тетоважи Џозеф Тан, кој има повеќе од 20 години искуство, а својата ќерка ја научил сè што знае.
Ја прашал Лилит дали сака да дознае за украсување на телото и кога добил потврден одговор, тој започнал да ја носи во својот дуќан.
Девојчето секој слободен момент го поминала со својот татко. Таа ја проучувала неговата работа и ги апсорбирала триковите. По шест месеци, таа била подготвена да ја направи својата прва тетоважа.
„Жртвата“ била пријател на нејзиниот татко, кој дозволил лик од анимираниот филм да го тетовира на неговото тело. Таа била нервозна и ѝ требале 90 минути да ја заврши тетоважата, но резултатот ги воодушеви сите.
„Бев исплашена. Кога црташ и грешиш, земаш гума и ја коригираш. Нема такво нешто со тетоважа”, објасни Лилит.
Нејзината самодоверба растела со текот на времето и направила стотици тетоважи. Експертите се убедени дека и претстои светла иднина во овој бизнис.