Во последните дваесет и четири часа биле издадени вкупно 2.908 потврди за искажана намера за поднесување на барање за признавање на право на азил, со што бројката значајно се зголеми на 46.970 потврди информираат од Министерството за внатрешни работи.
Од барателите 1.111 се од машки пол, 651 од женски пол, и 1.146 деца кои се придружувани од своите родители или старатели. Според државјанството на лицата на кои им се издадени потврди најбројни се државјаните на Сирија-1.556, Авганистан–820 и Ирак-532.
Во изминатото деноноќие до Секторот за азил не се поднесени барања за признавање на право на азил.