Вчера во 14.00 часот во Полициската станица за Граничен премин „Табановце“, царински службеник на граничниот премин пријавил дека при контрола во вагон од товарен воз кој сообраќал на релација Грција – Унгарија, пронашол четири мигранти од Авганистан и еден од Иран, информираат од Министерството за внатрешни работи.
Со лицата бил извршен разговор, по што биле пренесени и предадени во транзитен камп Табановце за понатамошна постапка.