Мексико влезе во Гинисовата книга на рекорди затоа што тамошните готвачи направиле најдолг хот-дог во светот, 1.417 метри од познатиот сендвич со колбас, пренесуваат тамошните медуми.
Земјата го собори претходниот рекорд кој го држеше Јапонија со хот-дог долг 325,56 метри.
Готвачите во Гвадалахара за четири часа поставиле лепчиња во должина од 1.417 метри и во него ставиле 10.000 колбаси. Имало и по 100 килограми кечап и мајонез, како и 75 килограми сенф.
Loading...
Мексиканските готвачи ги почитувале правилата секој хот-дог да биде во низа и да не преминува стандрадна должина од 18 сантиметри.
– Година дена се подготвувавме за тоа. Дојдовме на таа идеја затоа шти сите сакаат хот-дог на подрачјето на Гвадалахара, рекле организаторите.
Околу 2.000 луѓе биле повикани за дегустација.