Тригодишниците ќе почнат да примаат вакцини против коронавирус во Кина, каде 76 проценти од населението е целосно вакцинирано, а властите водат политика на нулта толеранција кон вирусот.
Градските власти и провинциските влади во најмалку пет провинции издадоа известувања во последните денови во кои се најавува дека децата на возраст од 3 до 11 години ќе треба да се вакцинираат.
Провинциите Хубеи, Фуџиан и Хаинан издадоа известувања на ниво на провинција што укажуваат на нови барања за вакцинација, додека поединечни градови во провинциите Жеџијанг и Хунан исто така објавија слични објави.
Проширувањето на кампањата за вакцинација доаѓа во време кога одредени делови на Кина преземаат нови мерки за борба против вирусот.
Северозападната провинција Гансу, која е силно зависна од туризмот, денеска ги затвори сите туристички локации откако откри нови случаи на ковид-19.
На жителите во делови од Внатрешна Монголија им е наредено да останат во затворени простории поради избувнувањето на заразата.
Кинеската национална здравствена комисија објави дека се откриени 35 нови случаи на локално пренесување на вирусот во изминатите 24 часа, од кои четири во Гансу.
Уште 19 случаи се откриени во регионот на Внатрешна Монголија, а други се расфрлани низ целата земја.
За време на пандемијата, Кина примени ограничувања, карантини и задолжително тестирање за вирусот, и во голема мера ги искорени случаите на локална инфекција и целосно вакцинираше 1,07 милијарди луѓе во население од 1,4 милијарди.
Кина одобри две вакцини во јуни, вакцината „Синофарм“ од Институтот за биолошки производи во Пекинг и вакцината „Синовак“ за деца на возраст од 3 до 17 години, но во моментов се вакцинираат само деца на возраст од 12 години и постари.
Во август, регулаторите одобрија друга вакцина – „Синофарм“ – од Институтот за биолошки производи во Вухан.