Владата на Јужна Кореја денеска им нареди на илјадници лекари кои штрајкуваат веднаш да се вратат на работа и им се закани со правна постапка доколку одбијат да се усогласат.
„Нема оправдување за колективна акција што ги загрозува животите и животите на луѓето“, рече јужнокорејскиот министер за внатрешни работи и безбедност Ли Санг-мин на прес-конференција со други високи функционери.
Тој рече дека јужнокорејската влада строго ќе се справи со штрајкот на лекарите во согласност со медицинскиот закон и другите прописи, пренесува АП.
Медицинскиот закон на Јужна Кореја ѝ дозволува на владата да издава такви наредби за враќање на работа на лекарите и другиот медицински персонал кога има сериозни проблеми со јавното здравје.
Доколку лекарите ја одбијат наредбата им се заканува затворска казна од најмногу три години или парична казна од 30 милиони вони или 20.800 евра, како и одземање на лекарската лиценца, пренесува Танјуг.
Околу 7.800 лекари и медицински персонал стапија во штрајк оваа недела поради плановите на владата во Сеул да прими уште 2.000 студенти по медицина на универзитетите.
Јужна Кореја сака да го зголеми бројот на лекари во иднина за да се подготви за брзо стареењето на населението во земјата.
Лекарските групи го отфрлија планот, велејќи дека универзитетите не се подготвени да понудат квалитетно образование на толку многу студенти.
Тие тврдат дека планот на владата ќе доведе до зголемување на јавните медицински трошоци.