Триесет и едногодишен државјанин на индија е приведен под сомнение дека вршел шверц на мигранти низ кумановско.
– На 21.01.2022 во 11.15 часот полициски службеници од Одделението за прекуграничен криминал, миграции и странци Куманово при Регионалниот центар за гранични работи Север го лишиле од слобода Х.Х. (31) од Индија, поради постоење основи на сомнение дека сторил кривично дело „криумчарење на мигранти“, информираат денеска од Секторот за внатрешни работи Куманово.
Имено, околу 01.30 часот во село Речица, кумановско, биле пронајдени 10 лица мигранти од Индија, а по извршениот службен разговор било утврдено дека Х.Х. илегално ги пренесувал мигрантите од Република Србија до Република Северна Македонија.
Тој бил приведен во полициска станица и по целосно документирање на случајот против него ќе биде поднесена соодветна пријава.
Лицата мигранти биле пренесени во Прифатно-транзитниот центар „Табановце“.
Никола Ивановски