Хутите убиja тројца морнари во напад на грчки брод

Сподели со своите пријатели

Во ракетен напад на Хутите загинаа тројца морнари на трговски брод во Црвеното Море во средата, соопшти американската Централна команда (CENTCOM), што е прва пријавена смрт откако проиранската јеменска група почна да ги напаѓа бродовите на една од најпрометните трговски патишта во светот.

Loading...

Хутите ја презедоа одговорноста за нападот во кој беше запален бродот True Confidence во грчка сопственост, кој пловел под знамето на Барбадос, на околу 50 наутички милји од брегот на јеменското пристаниште Аден, пренесува Хина.

ЦЕНТКОМ соопшти дека во нападот на Хутите биле повредени и најмалку четворица членови на екипажот и предизвикале „значителна штета“ на бродот.

ПРОЧИТАЈТЕ И:  Нетанјаху нема поддршка од САД за напад врз Иран

Претходно, извор од бродот изјави дека четворица морнари се тешко изгорени, а тројца се водат за исчезнати по нападот.

Грчките оператори на True Confidence изјавија дека бродот пловел и гори.

Тие исто така рекоа дека нема достапни информации за статусот на 20-те членови на екипажот и тројца вооружени чувари, меѓу кои имало 15 Филипинци, четворица Виетнамци, двајца Шри Ланканци, еден Индиец и еден Непалец.

Претставник на американската одбрана рече дека е забележан чад што доаѓа од True Confidence.

Наведено е и дека во водата во близина на бродот е забележан чамец за спасување.

Loading...

Британската агенција за поморски трговски операции (УКМТО) соопшти дека примила извештај за инцидентот на 54 наутички милји југозападно од Аден, кој е во близина на влезот во Црвеното Море, додавајќи дека екипажот го напуштил бродот и дека „повеќе не е под команда“.

ПРОЧИТАЈТЕ И:  Американски аналитичар: Русија може да ги срамни украинските позиции

Хутите од ноември напаѓаат бродови во Црвеното Море во, како што велат, кампања на солидарност со Палестинците за време на војната во Газа.

Велика Британија и САД започнуваат одмазднички напади против Хутите, а потврдата за жртви може да доведе до притисок за посилна воена акција.

Нападите на Хутите го нарушија глобалниот транспорт, принудувајќи ги компаниите да се пренасочат кон подолги и поскапи патувања низ јужна Африка.

Трошоците за осигурување на седумдневно патување со Црвеното Море се зголемија за стотици илјади долари.

Бродот True Confidence е во сопственост на True Confidence Shipping, регистриран во Либерија и управуван од грчката Third January Maritime, се вели во соопштението на двете компании, додавајќи дека бродот немал врски со САД.

ПРОЧИТАЈТЕ И:  САД уништија 80 дронови, шест проектили лансирани од Иран и Јемен