14.03.2019 14:57

Градски тоалет во Куманово ќе биде изграден во монтажната гаража


Граѓаните на Куманово наскоро ќе добијат градски тоалет, кој ќе биде во рамките на монтажната паркинг гаража која е во фаза на изградба пред Центарот за култура.

Како што информираше денеска градоначалникот Максим Димитриевски, компанијата која ја монтира гаражата, градскиот тоалет ќе го изгради како донација на Куманово.

loading...

– Јавниот тоалет кој во фамозната приватизација со приватизирање на НАМА беше продаден и денеска во Куманово немаме јавен тоалет. Во меѓувреме со службите го премостивме проблемот со мобилни тоалети за кои морам да потенцирам дека не се користат прописно и навистина изгледа лошо. Фирмата изведувач на оваа катна гаража, вети дека ќе донира исто така монтажен објект во склоп на оваа урбана опрема за користење на јавен тоалет со вкупно 4 санитарни чвора, рече Димитриевски.

Инаку монтажната гаража, која е во фазана реализација ќе чини 16 милиони денари и ја гради италијанска компанија која има ќерка-фирма во Македонија.

– Оваа катна гаража е единствена во Република Македонија која е навистина монтажно-демонтажна бидејќи сите вакви кои се изведени во државата се изведени како монтажни елементи, но не можат да бидат демонтирани и дислоцирани на другаа позиција бидејќи темелите се фиксирани. Кај овој тип на градба едиснтвена е во Македонија каде може да се демонтира, рече Димитриевски.

Претходно на паркиногт пред Центарот за култура имало место за 38 автомобили, а со поставување на гаражата ќе се обезбеди простор на кој ќе можат да се паркираат околу 80 возила.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments