Севернокорејскиот лидер Ким Џонг Ун им нареди на владините претставници на продолжената пленарна седница на Централниот комитет на Работничката партија на Северна Кореја да подготват план за радикална трансформација на земјоделството, продлабочувајќи ги стравувањата дека недостигот на храна во земјата се влошува.
Ким Џонг Ун ја истакна важноста од растечкото земјоделско производство и потребата од радикални промени во земјоделството, објави севернокорејската државна новинска агенција КЦНА.
Забелешките на Ким за трансформацијата на земјоделството доаѓаат во време на извештаи за зголемен недостиг на храна во земјата, иако Северна Кореја ги негираше извештаите за неможност да обезбеди основни прехранбени производи за своите граѓани.
Ројтерс додава дека според јануарскиот извештај на американската организација „38 Север“, која се занимава со Северна Кореја, недостигот на храна во таа земја е најлош од 1990-тите.
Јужнокорејското Министерство за обединување на почетокот на овој месец соопшти дека ситуацијата со храната во Северна Кореја најверојатно се влошила.
Севернокорејскиот лидер Ким Џонг Ун неодамна мобилизираше млади луѓе во нов станбен проект во Пјонгјанг со 50.000 домови.
Според лидерот на Северна Кореја, за овој проект се пријавиле околу 100.000 млади луѓе.
Сите информации поврзани со најновите случувања во Северна Кореја можете да ги прочитате ТУКА.