Долгометражниот музички/документарен филм `Тhe Hip – Brainstorm` ќе биде прикажан во пeток (15 октомври 2021) во НУЦК „Tрајко Прокопиев” – Куманово, со почеток во 20:30 часот.
Филмот е во режија на Јане Алтипармаков, а автор на оригиналната идеја е Љубиша Петрушевски.
The Hip-BRAINSTORM е продолжение, документарно надополнување на долгометражното DVD-видео издание The Hip-Reality Overdrive.
Во филмот се појавуваат Сеад Хаџиќ – Сецко (Last Expedition, Мугер Фугер), Васко Атанасоски (Bernays Propaganda, Балкан Велики), Тошо Филиповски – автор на првата сеопфатна македонска рок енциклопедија, Методи Стојанов (Музичка Младина), Саша Павловиќ (Suns, Kritika.mk), Ивица Димитријевиќ (Rib), Мирко Попов (PMG Kolektiv), Костадин Шурбановски (Канал 103), John Robb (The Membranes), Филип Марјановиќ (Студентски Збор), Ѓокица Зафировски (Suns), Љупчо Јолевски, Зоран Ристевски, Даниел `Бушава Азбука` Димитровски, Владимир Каевски, членови на бендовите The Hip, Morbid Joker, ТБ Трачери.
Во филмов ексклузивно се измонтирани архивски снимки од настапите на Електрични Оргазам, ЕKV, легендарните Nirvana, Psychic TV, Buzzcocks, Sonic Youth, Young Gods.
Филмот трае 90 минути, а влезот ќе биде со донација на врата.
Влез и присуство во салата ќе биде согласно важечки здравствени протоколи за настани во затворено.
Организатор на проекцијата е Wire Entertainment (Ваер Ентертејнмент) од Куманово.
Интегрално соопштение