Катастрофалното време истовремено на пет континенти докажува дека ги доживуваме ефектите од климатските промени, велат научниците.
Сибирски шумски пожари, фатални поплави во Европа, високи температури во Северна Америка и првото предупредување за топлотен бран во Велика Британија покажуваат дека климатската криза е се поблизу отколку што очекуваа научниците.
„Ние сме на почетокот на климатските и еколошките опасности“, рече шведската активистка Грета Тунберг.
Обединето Кралство
– Интензивниот временски систем беше одговорен за европските поплави минатата недела, па дури и за поплавите во Лондон – велат метеоролозите.
Неколку дена подоцна, жештината ги „стопи патиштата како чоколадо“ и ги искривува пругите бидејќи температурите во Северна Ирска достигнаа рекордни високи вредности во саботата.
Термометрите покажаа 31,2 степени Целзиусови во Баливаткикок, Северна Ирска. Претходниот максимум беше 30,8 степени во летото од 1976 и 1983 година.
Метеоролозите предупредуваат дека температурата може да достигне 33 степени во наредните денови, а ќе биде потопло отколку во Миконос и Тенерифе. Исто така се предвидува дека бурите ќе донесат до 6 см дожд за еден час.
Топлотниот бран во Британија однесе 14 животи: Меѓу настраданите и деца
Европа
Катастрофите во Западна Германија и Белгија однесоа скоро 200 животи, а стотици сè уште се водат како исчезнати. Рекордните дождови предизвикаа излевање на реките во нивните брегови и поплавување на бреговите, како и на јужните делови на Холандија и Швајцарија.
Цели заедници, некои со згради кои датираат од средновековните времиња, беа поплавени. Спасувачките екипи мораа да ги пребаруваат остатоците.
За време на викендот околу 17.150 куќи во Белгија немаа електрична енергија, околу 30.000 немаа пристап до вода за пиење. Околу 3.500 домови беа без гас, а властите предупредуваа дека недостаток на снабдување во итни случаи може да трае неколку недели.
Штетата од поплавите во германија изнесува пет милијарди евра
Нов Зеланд
Западниот брег на Нов Зеланд беше погоден од силни поплави претходно оваа недела, прогласена е локална вонредна состојба и илјадници жители беа евакуирани од своите домови.
Најновите поплави се случија по обилните врнежи од дожд во изминатите два месеци кои предизвикаа итни случаи во Кантербери и Велингтон.
Кина
Во централната провинција Хенан, најмалку 25 лица загинаа во силните поплави предизвикани од најобилниот дожд во последните 1000 години, како што тие го нарекоа. Во градот Женгжу, дом на 10 милиони луѓе, околу 20.000 жители се евакуирани.
Во подземната железница, каде се верува дека починале најмалку 12 лица, низ тунелите се слевала вода, па подводните платформи биле полни со вода, а вагоните исто така биле под вода.
Патниците биле заробени, држејќи се за оградите, а водата им била до градите. На некои фотографии се гледаат автомобили кои лебдат по патиштата.
Индија
Најмалку 35 лица загинаа откако се урнаа згради во свлечиштата во Мумбаи, предизвикани од монсунски дождови.
Обилните дождови, опишани како „монструозни“, го погодија главниот град на Индија за време на викендот.
Сибир
Топлотниот бран во еден од најстудените региони во светот предизвика шумски пожари, предизвикувајќи сибирскиот град Јакутск да се бори со „воздушна апокалипса“ од густ, отровен чад.
Локалните власти предупредија 320.000 жители да останат во затворен простор за да избегнат задушување, што веројатно ќе биде еден од најлошите настани во светот за загадување досега.