Градоначалникот на општина Куманово Максим Димитриевски информираше дека општината почнува со обезбедување на помош за домување на материјално и станбено необезбедени лица – корисници на гарантирана минимална помош ГМП за 2023 година, како и со субвенционирање на трошоци за комунални услуги за 2023 година.
Димитриевски посочува дека барањата со потребна документација потребно е да се достават до архива на Општина Куманово помеѓу 10.01.2023 и 10.02.2023 година.
Сите информации поврзани со двете мерки за помош, за тоа кои групи на граѓани се опфатени, кои документи се потребни за апликација, појаснување за начинот на апликација, како и формулари (барања) за пополнување се достапни на www.kumanovo.gov.mk
Дополнителни информации може да се добијат на телефон 075/323-569 од 08:00 до 16:00 часот, секој работен ден.