Во кумановската касарна „Боро Менков“ утре со почеток во 11 часот, со воена свеченост на единиците од гарнизон Куманово ќе се одбележи 18ти Август, Денот на Армијата.
– По повод 27 години од формирањето на Армијата на Република Северна Македонија во рамките на прославата согласно Правилото за воен протокол ќе се реализираат следните активности: постројување на припадниците на единиците од гарнизон Куманово, интонирање на државната химна на Република Северна Македонија и химната на Армијата, оддавање на почит на загинатите борци за Македонија и загинатите и починатите припадници на армијата, честитање на празникот, пригоден говор, читање стимулативни мерки и наредби за унапредувања на старешини, врачување на одликувања, награди и пофалби и честитки, информираат од касарната „Боро Менков“
На прославата се поканети и преставници од државна управа, јавните установи и служби, градоначалниците и преставниците на единицате на локалната самоуправа во зоната на одговорност и правни и физички лица со кои Армијата на Република Северна Македонија има соработка.