Спасувачките служби извлекоа уште тела од местото на експлозијата во магацинот за пиротехника во Ерменија, со што бројот на загинатите во несреќата се искачи на 15, објави во вторникот новинската агенција ТАСС, повикувајќи се на ерменското Министерство за вонредни ситуации.
Во неделата, експлозии одекнаа во магацин во трговски центар во ерменскиот главен град Ереван, предизвикувајќи уривање на делови од зградата и повредени најмалку 62 лица.
18 лица сѐ уште се водат како исчезнати.
Генералното обвинителство на Ерменија во текот на ноќта во понеделникот објави дека отвора истрага за „прекршување на правилата за складирање на запаливи производи“ и „прекршување на правилата за заштита од пожари“ што доведе до смрт на неколку лица поради „негрижа “.