Британското Министерство за одбрана го објави својот дневен извештај за ситуацијата во Украина.
Тие тврдат дека рускиот одбранбен сектор многу веројатно вработува затвореници за да ги задоволи потребите за производство.
Во ноември 2022 година, Уралвагонзавод (УВЗ), најголемиот руски производител на тенкови, изјави за локалните медиуми по состанокот со Федералната затворска служба (ФСИН) дека ќе ангажира 250 затвореници.
Во Русија постои долга традиција на затворска работа, но од 2017 година, принудната работа е повторно воведена како посебен вид затворска казна.
ФСИН има повеќе од 400.000 затвореници под своја јурисдикција и често е обвинет за екстремна бруталност и корупција, пишува Министерството за одбрана.
Затворската популација за руските лидери претставува уникатен човечки ресурс што тие можат да го искористат за поддршка на „специјалната воена операција“, имајќи предвид дека сè уште има недостиг од доброволци.
Затворската работа е многу веројатно барана од производителите на оружја со релативно ниска технологија како што е UVZ, кои речиси сигурно се под силен притисок да го зголемат производството.
Сите информации поврзани со најновите случувања со војната во Украина можете да ги прочитате ТУКА.