Археолозите открија голем град стар 5000 години во северен Израел.
Израелскиот орган за антиквитети соопшти дека античкиот град е откриен за време на подготовките за проект за изградба на автопатишта во близина на градот Хариш, на 50 километри северно од Тел Авив.
Археолозите тврдат дека станува збор за „космополитски и планиран град“ кој датира уште од раното бронзено време.
Администрацијата соопшти дека градот опфаќа површина од 65 хектари и дека таму живеат околу 6.000 луѓе.
Научниците пронашле остатоци од необичен ритуален храм со докази за жртвување, како и фигура на човечка глава и остатоци од грнчарски предмети, алати од кремен и делови од камени садови.
Истражувачите велат дека откритието овозможува нов увид во разбирањето на овој период кога руралното население започнало да се концентрира во урбаните области, пренесува АП.