Шефицата на германската дипломатија Аналена Бербок утрово пристигна во посета на Киев, што е нејзина четврта посета на Украина.
Нејзината посета не беше најавена поради безбедносни причини, објави Жидојче цајтунг.
Се наведува дека ќе разговараат за подготовките за претстојната зима со украинските власти, со украинските деца кои наводно биле насилно депортирани во Русија, како и за изгледите на Украина да стане членка на ЕУ.
„Секој ден нов ужас, секој ден ново страдање и смрт. Ова е безмилосна реалност на луѓето во Украина секој ден“, рече Бербок по пристигнувањето.
Бербок претходно го посети Харков во источна Украина во јануари.
Германскиот весник наведува дека Бербок при посетата на Киев ќе каже дека Германија долгорочно сигурно ќе застане на страна на Украина и дека ќе ја поддржи политички, економски и воено.
Бербок рече дека Украина може да се потпре на фактот дека Германија го смета проширувањето на ЕУ за неопходна геополитичка последица од руската инвазија и дека Берлин решително ќе му помогне на Киев на патот кон ЕУ.
Сите информации поврзани со најновите случувања со војната во Украина можете да ги прочитате ТУКА.