Иран ќе ги таргетира економските и банкарските интереси поврзани со САД и Израел во регионот, изјави во среда портпаролот на заедничката команда, Хатам ал-Анбија, додавајќи дека заканата е последица на нападот врз иранска банка.
– По нивната неуспешна кампања, американската терористичка армија и суровиот ционистички режим (Израел) ја таргетираа една од нашите банки – државните медиуми ги пренесоа зборовите на Ебрахим Золфакари.
– Со оваа нелегитимна и необична акција, непријателот нè принудува да ги таргетираме економските центри и банките поврзани со САД и ционистичкиот режим во регионот – додаде тој.
Портпаролот ги предупреди луѓето во регионот да се држат подалеку од банките.