Жителите на Пакистан се особено ранливи на топлотен удар предизвикан од климатските промени, предупреди Амнести интернешенел (АИ) на Светскиот ден на животната средина, повикувајќи ги побогатите земји да дојдат на помош.
Многу Пакистанци се премногу сиромашни за да си дозволат заштита од високи температури, открива АИ во извештајот.
Лекарите забележуваат се повеќе случаи на топлотен удар, вртоглавица и отежнато дишење, а се повеќе пациенти мора да се лекуваат на Итната помош, посочуваат од здружението.
„Многу Пакистанци со ниски приходи работат на отворено на екстремни жештини“
Истовремено, експертите стравуваат дека поради климатските промени ќе зачестат екстремните временски настани.
Минатата пролет беше особено жешка во Пакистан, со рекордни температури кои во мај достигнаа 51 степен во градот Јакобабад.
Летото донесе рекордни врнежи и поплави во третина од земјата.
Многу граѓани со ниски приходи работат на отворено, дури и при екстремни горештини, што значи дека се особено ранливи на климатските промени, објаснува Амнести интернешнал.
Повеќе од 40 милиони жители немаат истовремено пристап до струја, што значи дека не можат да користат клима уреди или вентилатори.
Богатите земји треба да ја намалат емисијата на штетни гасови и да му помогнат на Пакистан.
Маргинализираните општествени групи се изложени на опасни по живот последици од климатските промени, а температурите ќе продолжат да растат, предупреди заменик-регионалниот директор на Амнести во Јужна Азија, Динушика Дисанајаке.
АИ ја повика пакистанската влада да излезе со план градовите да ги заштитат жителите од високите температури.
Богатите земји, од друга страна, треба да ја намалат емисијата на штетни гасови и да му помогнат на Пакистан да се прилагоди на климатските промени, соопшти Амнести интернешнал, истакнувајќи дека уделот на Пакистан во светската емисија е занемарлив.