Фејсбук ги исполни барањата на Русија да избрише одредена содржина што Москва ја смета за незаконска, но сепак може да се соочи со големи казни бидејќи тоа го направи премногу бавно, објави во вторникот весникот „Ведомости“, повикувајќи се на рускиот регулатор за комуникации.
Минатата недела, регулаторот Роскомнадзор се закани дека ќе го казни Фејсбук до 10% од годишниот промет во Русија, доколку не ја отстрани содржината што Русија ја забрани.
Повторно се огласи сопственикот на Фејсбук и испрати порака до критичарите
Исполнувањето на тоа барање може да значи дека Фејсбук е подложен на руски притисок.
Експертите од „Ведомости нова“ проценуваат дека Фејсбук заработува помеѓу 165 и 538 милиони долари во Русија.
„1043 објави сѐ уште не се избришани од Фејсбук“
Роскомнадзор соопшти дека Фејсбук отстранил дел од забранетата содржина од своите платформи, вклучително и Инстаграм, но дека сепак може да се соочи со казна бидејќи претходно не ја избришал содржината, објави „Ведомости“.
„Вкупно 1.043 објави во моментов сѐ уште не се избришани од Фејсбук и 973 од Инстаграм“, рече еден официјален претставник.
Претходно оваа година, Роскомнадзор им рече на Фејсбук и на другите социјални медиуми да ги отстранат објавите со кои се повикуваат малолетници да учествуваат во антивладините протести по апсењето на критичарот на Кремљ, Алексеј Навални.
Три теории на заговор за најголемиот пад во историјата на Фејсбук
Руските медиуми објавија дека е прекршување на Фејсбук што не ги отстранува објавите што содржат детска порнографија и промовираат употреба на наркотици.
Во меѓувреме големи загуби претрпе Фејсбук откако завчера со часови беа надвор од функција сите платформи вклучително Месинџер, Воцап и Инстаграм. Неколку теории на заговор кружена по интернет за она што би можело да биде причина за падот.
Сопственикот на компанијата Марк Зукерберг повторно се огласи и упати пораки до оние кои го критикуваат дека компанијата секогаш го става профитот пред корисниците.