Вкупно 18 пешаци се казнети вчера на подрачјето на Секторот за внатрешни работи Куманово поради непочитување на сообраќајните прописи. Најмногу од казните биле изречени во Куманово.
– На подрачјето на СВР Куманово во текот на вчерашниот ден (10.02.2022) од 10.00 до 14.00 часот спроведена е акциска контрола за откривање на прекршоци што ги прават пешаците, при што се санкционирани 18 пешаци кои не ги почитувале сообраќајните прописи. Од нив 13 во Куманово, 4 во Крива Паланка и 1 во Кратово, информираат од кумановската полиција.
Оттаму додаваат дека продолжуваат засилените акциски контроли во сообраќајот и во наредниот период.
– Апелираме до возачите секогаш да им даваат првенство на пешаците, а пешаците, исто така, да ги почитуваат сообраќајните правила и прописи, стои во соопштението на СВР Куманово.
Никола Ивановски